Qui veut faire l'aumône ne doit pas la faire attendre : Celle qui veult son aumosne donner Ne le doit pas faire deux foys attendre ; Au premier cop doit tout abandonner Celle qui veult son aumosne donner (DESCH., Oeuvres Q., t.4, c.1370-1407, 93).

Rem. Hassell 44, A206.

Nul ne tendit onques à cheval d'or sans en avoir la bride à son vivant : Nulz ne tendy oncques a cheval d'or Qu'il n'en eust la bride àson vivant, Se du querir fu sage et diligent. Diligence est un tresnoble tresor Et qui a fait enrichir mainte gent. (DESCH., Oeuvres Q., t.4, c.1370-1407, 168).

Rem. DI STEF. 161c, cheval.

Rem. DI STEF. 230b, deceveur.

[L'envie est éternelle] Envie ne dort/ne meurt jamais : Si me dit : "Amis, vous savez, Et bien oï dire l'avez, Qu'Envie si ne puet morir Et que partout vuet signourir , Si qu'en tout le monde n'a regne Qu'elle n'i soit, qu'elle n'i regne, Et qu'elle n'i face la dame..." (MACH., D. Lyon, 1342, 224). ...en proverbe est dit pieça Qu'Envie si ne mourra ja. (LA BUIGNE, Rom. deduis B., 1359-1377, 250). Princes, selon m'entencion, Les gens sont cause et mocion D'avoir Envie en leurs palays ; Povre vit en elacion, L'un mort prant en l'autre action : Envie ne mourra jamais. (DESCH., Oeuvres Q., t.3, c.1370-1407, 276). Maiz Envie, qui ne dort, M'a tolu, par son effort, M'amour, ma paix, ma santé, Sanz cause, et de volenté (DESCH., Oeuvres Q., t.4, c.1370-1407, 14). ...par ma foy, je jureray bien sur Dieu que à nostre amour n'a nul vilain pensement. Mais ainsi est que Envie ne peult mourir. (Ponthus Sidoine C., c.1400, 83). Car on dist ensi que envie ne poet morir en Engleterre. Ossi règne elle et voet regner en pluiseurs aultres pays. (FROISS., Chron. L., I, c.1375-1400, 40). On dist en un commun proverbre, et voirs est, que onques envie ne morut (FROISS., Chron. R., XI, c.1375-1400, 85). Mestier aura de soy garder, Car, se Fortune lui cuert seure, Envie, qui ne dort nulle heure, Le chargera de si dur fais Qu'il en sera mors et deffais (CHR. PIZ., M.F., II, 1400-1403, 89). Naimmez, dist il, par foy, trop vous oy mal parler ! Ne vous fiz onques mal que seuïssiez prouver, Et quant me dites mal, s'en faitez a blamer ; Mais envie ne puet nullement decliner (Jourd. Blaye alex. M., a.1455, 96). ...l'ung et l'autre [voisin du riche] queroit butin, Disant que le riche avoit tort. Envie ne meurt jamais ne dort. (GAGUIN, Passe temps oisiv. T., 1489, 416).

Rem. Morawski 704 : Envie ne morra ja ; Hassell 103-104, E55.

Fais ce que tu dois (et Dieu fera le demeurant/et advienne que pourra) : Fay tousjours ce que tu doys : Ne t'esbahy se tu voys Aucune chose grevayne ; Ce qui puet avenir veigne : Dieux cognoist tout une foys. (DESCH., Oeuvres Q., t.4, c.1370-1407, 23). Lors la royne respondy a Ardant Desir et dist ainsi : "Beaux amis et vous belle amie, il se dit en proverbe : Fais ce que tu dois et veigne ce que pourra..." (MÉZIÈRES, Songe vieil pèl. C., t.1, c.1386-1389, 444). Fay ce que tu dois et Dieu fera le demourant ; pour tant lui prions en la quarte demande : panem nostrum etc., jour au jour la vie. (GERS., 1403, Oeuvres complètes G., 378). ...cusançon ou solitude se peut faire en quatre manieres : ou pour desespoir de la pourveance de Dieu ; ou par trop soy occuper en telles pensees et par en perdre sa raison ailleurs ; ou par mesure selond bonne prudence pour soy, ou quartement pour la chose punblique. Les deux dernieres se peuvent faire, et non pas les autres. Fay ce que tu dois et Dieu fera le demourant (GERS., 1403, Oeuvres complètes G., 895). Touttesfoys les choses sont adventureuses, et aucuneffoys les hommes n'ont pas la congnoissance proprement de ce qu'il se doit faire, et Dieu leur oste l'entendement, par quoy ilz font tout le contraire de la raison. Mais, là où Dieu veult, sens de homme n'a mestier ; pour ce, fault tout mettre en la main d'icellui et faire selon ung proverbe qui dit : Fais ce que tu dois et adviengne ce qu'il pourra. (BUEIL, II, 1461-1466, 205).

Rem. Hassell 108, F5 ; DI STEF. 325c, faire.

À la fin il convient de laisser gage : Fortune ainsy des compaignons s'esbat, Qui au delit de la char les comprent, Puis les destruit, com la souriz le chat, Car au derrain est pris qui autre prent ; la male vie a male fin se tent, Ainsy le tient l'Escripture et le saige. Ce temps durra et non pas longuement, Maiz a la fin vous convient laissier gaige. (DESCH., Oeuvres Q., t.4, c.1370-1407, 296).

Quand mal vient tout bien cesse : Qui a santé en largesse Contre droit ne la compresse ; Mais ait bonne voulenté Que par garde en soit renté, Car quant maulx vient tous biens cesse ; Il n'est avoir ne richesse (...) qui valent tant que santé. (DESCH., Oeuvres Q., t.4, c.1370-1407, 13).

Rem. Hassell158, M51.

Peu vaut la promesse si on ne l'accomplit : Excellant prince, a Jaquemin de Mende Fait Eustace devant vous demander Un bon camail dont il lui fait demande, Qu'il lui promist ; or veullez demander, S'il le confesse a devoir, Qu'il le paie, si fera son devoir ; Et s'il le nie, Eustace prouvera ; Pou vault promesse qui ne l'acomplira. (DESCH., Oeuvres Q., t.4, c.1370-1407, 335).

Rem. DI STEF. 732c, promesse.

Il n'est avoir ne richesse qui valent santé : Il n'est avoir ne richesse, Estat, sens, ne gentillesse Qui valent tant que santé ; Et si sont gens a planté Qui ont du garder paresse. Car pluseurs, quant si sont sain, Ont la santé en desdaing Et se gastent par excès De boire et mangier sans fain (DESCH., Oeuvres Q., t.4, c.1370-1407, 12).

Qui dure/souffre vainc : On recorde, et s'est avenu Souvent, que pluseurs sont venu A leur entente seulement Par souffrir bien et humblement ; Qu'humblement souffrir a la fie Maint dur cuer veint et amolie, Et li proverbes qui recorde : "Qui sueffre, il veint", bien s'i acorde. (MACH., R. Fort., c.1341, 68). Et se dit on : "Qui sueffre, il veint" ; Et s'est vertueus qui bien feint. Einsi toutes les veinquera Par souffrir, n'il ne trouvera Donjon, closture ne muraille, N'autre voie, qui mieus y vaille. (MACH., D. Lyon, 1342, 232). Nulz ses torfaiz n'adrecera, Maiz cilz qui pacience ara En tout ce qui luy avenra, Tant qu'il le puist bien endurer, Pourra longues vivre et durer : Car qui sueffre en la fin vaincra. (DESCH., Oeuvres Q., t.4, c.1370-1407, 253). Cellui vaint qui seuffre. Se tu veulz vaincre, il convient que tu aprennes a souffrir. (Percef. II, R., t.2, c.1450 [c.1340], 391). En se tenant sur sa garde, on peult bien guerroyer son ennemy sans coup ferir, et dit-on voullentiers : Qui dure, vaincq. (BUEIL, II, 1461-1466, 230). Mais Marguerite en qui vertus s'avoie, Tire en Savoye et s'y ara sa vie ; Dieu qui tout scet mieux que ne le sçavoie Soit en sa voye et partout le convoie, Sy qu'on le voye en triumphe assouvie ; Tousjours n'a mie esté sa bonne amie Nostre ennemie, adversité fort dure, Mais enfin vaincq qui sagement endure (MOLINET, Faictz Dictz D., 1467-1506, 368).

Rem. Morawski 1060 : Li bon soufreor vaint partout et 2193 : Qui veut vaintre il doit souffrir ; Hassell 99, D132 et l 231, S108 ; DI STEF. 276b, durer et 293c, endurer.

De male vie male fin : Fortune ainsy des compaignons s'esbat, Qui au delit de la char les comprent, Puis les destruit, com la souriz le chat, Car au derrain est pris qui autre prent ; la male vie a male fin se tent, Ainsy le tient l'Escripture et le saige. Ce temps durra et non pas longuement, Maiz a la fin vous convient laissier gaige. (DESCH., Oeuvres Q., t.4, c.1370-1407, 296). [L'Ennemi profite de la faiblesse du prince pour le guider vers un chemin qui est en réalité un cours d'eau ; le prince pousse son cheval dans cette direction ; la peur du cheval, sa fuite font prendre conscience au prince qu'il a été la victime du diable et que s'il avait suivi cette voie il serait mort et qu'on dirait partout qu'il avoit voulu se suicider et] ...que ce mesme il l'eust fait par désespoir et courroux, et ainsi après avoir mené ses haulx glorieux vieux jours à une si honteuse et confuse fin, on l'eust pu encoulper de vices et horribles péchés, desquels maintenant il auroit pris punition condigne, comme volentiers mauvaise vie vient à mauvaise fin, ce dient les gens, et toutevoies n'auroit eu coulpe de riens, de quoy son honneur eust dû estre noircy. (CHASTELL., Chron. K., t.3, c.1456-1471, 253). Les dens et grifz du grand lion sentir Vous converra en la parfin : De male vie male fin. (MOLINET, Faictz Dictz D., 1467-1506, 63). [Dans un poème intitulé Les eages du monde] Pour reparer ce criminel domaige, Maint personnaige au monde on reforga ; En grant pechiet attaint son premier age, En rouge rage, en luxure, en oultraige, Dont grand oraige au siecle se loga ; Dieu se venga, le deluge envoya, Qui lors noya ce monde fin: De malle vie malle fin.; (MOLINET, Faictz Dictz D., 1467-1506, 589).

Rem. Morawski 521 : De mauvaise vie mauvaise fin ; Hassell 149, V92 ; DI STEF. 890c, vie.